Сайтын бүтэц Эрх зүйн акт Улс төрийн намын бүртгэл Шилэн данс Холбоо барих
MN | EN
Цэс
ЦЭС
Нүүр Монгол Улсын дээд шүүх
Улсын дээд шүүх Түүхэн замнал Улсын дээд шүүхийн бүрэлдэхүүн Нийт шүүгчийн хуралдаан Шүүгчдийн зөвлөгөөн Тамгын Газар Шүүхийн хамтын ажиллагаа Тайлан Ил тод байдал
Мэдээ мэдээлэл Тайлбар, зөвлөмж, тойм Шүүх хуралдааны тогтоол Шүүх хуралдааны зар Шүүхийн академи Таны эрх зүйн боловсролд
Холбоо барих
Монгол Улсын Дээд шүүх, Улаанбаатар хот,
Чингэлтэй дүүрэг, 1 дүгээр хороо, Бага тойруу 15160,
Ц.Жигжиджавын гудамж 7/1
  • Мэдээлэл лавлагаа: 51-261698
  • Бичиг хэрэг: 51-261544
  • Төрийн тусгай: 51-261323
  • И-мэйл: info@supremecourt.mn
Байршил Санал хүсэлт
LIVE
ШҮҮХ ХУРАЛДААНЫ
ШУУД ДАМЖУУЛАЛТ

Номын сан

Ангилал
Бүгд Эрх зүй Эдийн засаг Улс төр Түүх
Хайлт

Ч.Доржсүрэн

Соёлын өвийг халдлагаас хамгаалахуй

Манай улс "Соёлын үнэт зүйлсийн хууль бус экспорт, импорт, түүнчлэн өмчлөх эрхийг шилжүүлэхийг хориглох, тэдгээрээс урьдчилан сэргийлэх арга хэмжээний тухай конвенц" (1970 он), "Дэлхийн соёлын болон байгалийн өвийг хамгаалах конвенц" (1972 он)-уудыг соёрхон баталж, Үндсэн хуульдаа түүх, соёлын дурсгалт зүйл төрийн хамгаалалтад байхаар заасан нь ёс, хэлбэр төдий зүйл биш ээ. Үндэсний соёлын өв бол монголчууд бидний туулж өнгөрсөн түүхийг гэрчлэн холбогч, одоо цагт оршин тогтохуйг нотлон таниулагч, ирээдүйн хөгжлийг чиглүүлэн тодорхойлогч юм. Тиймээс ч Монгол Улсын Үндэсний аюулгүй байдлын үзэл баримтлалд "Үндэсний түүх, хэл, соёл, өв уламжлал, зан заншлаа хадгалж, хамгаалж хөгжүүлэх нь монгол үндэстний оршин тогтнохын үндэс, амин чухал дархлаа мөн" хэмээн тодорхойлж, үндэсний аюулгүй байдлын бүрэлдэхүүн хэсэг болох соёл иргэншлийн аюулгүй байдлыг хангах арга замыг тусгасан билээ.

Эх түүх, үндэсний өв соёлоо хадгалж хамгаалах эрхэм үйл хэрэгт нэмэр болох зорилго агуулсан "Соёлын өвийг гэмт халдлагаас хамгаалахуй" ном нь соёлын өв манай улсын гадаад харилцааны гүүр болон хөгжил дэвшилд хөтлөх болсон энэ цаг үед хэвлэгдэн гарч байгаа нь сайшаалтай. Тус эмхэтгэлд соёлын өвийн эсрэг гэмт хэрэг, зөрчилтэй тэмцэх онол, практикийн асуудлууд болон хууль бусаар гадаад улсад гаргасан соёлын үнэт зүйлийг эрэн сурвалжлах, эгүүлэн авах олон улсын эрх зүйн зохицуулалтын талаарх зохиогчийн 2015 оноос хойших үндэсний болон олон улсын эрдэм шинжилгээний хурал, зөвлөгөөнд хэлэлцүүлсэн зургаан илтгэл, дотоодын эрдэм шинжилгээ, судалгаа, онол, арга зүйн сэтгүүлүүдэд нийтлэгдсэн зургаан өгүүлэл багтжээ.

Та бүхэн энэхүү бүтээлээс Монгол Улсын соёлын өвийг гэмт халдлагаас хамгаалах эрх зүйн орчин, соёлын өвийн эсрэг гэмт хэргийн нөхцөл байдал, мөрдөн шалгах ажиллагаа, криминологи судалгаа, эрүүгийн болон иргэний эрх зүйн зохицуулалтын уламжлал, шинэчлэлийн асуудлууд хийгээд "Хулгайлагдсан эсхүл хууль бусаар экспортлогдсон соёлын эд зүйлийн тухай ЮНИДРУА (UNIDROIT)-ын конвенц"-д манай улс нэгдэн орох, соёрхон батлах хэрэгцээ, шаардлагын урьдчилан тандан судалгааны үр дүнтэй танилцах боломжтой. Дашрамд дурдахад хорьдугаар зууны эхэн үе буюу ардчилсан хувьсгалын дараах нийгмийн шилжилтийн үед олон тооны түүх, соёлын дурсгалт зүйл хилийн чандад хууль бусаар гарсан нь жил ирэх бүр ил болохын хамт өнөө цагт ч соёлын эд зүйлийн контрабанд буурахгүй байгааг анхаарвал зохино. 

Он: 2024 он

Хэл: Монгол хэл

Холбоо барих
Монгол Улсын Дээд шүүх, Улаанбаатар хот,
Чингэлтэй дүүрэг, 1 дүгээр хороо, Бага тойруу 15160,
Ц.Жигжиджавын гудамж 7/1
  • Мэдээлэл лавлагаа: 51-261698
  • Бичиг хэрэг: 51-261544
  • Төрийн тусгай: 51-261323
  • И-мэйл: info@supremecourt.mn
Холбоосууд
Харьяалах бүртгэл
Copyright © 2015–2025. The Supreme Court of Mongolia