Улсын дээд шүүхийн Эрүүгийн хэргийн танхимын тэргүүн Ч.Хосбаяр болон Тамгын газрын холбогдох албан хаагчид нийслэл дэх эрүүгийн хэргийн шүүхүүдийн Ерөнхий шүүгч, Тамгын газрын дарга нарыг 2025 оны 01 дүгээр сарын 28-ны өдөр хүлээн авч уулзлаа. Уулзалтаар авлигын гэмт хэргийн нээлттэй шүүх хуралдааныг олон нийтэд дуу дүрсний бичлэгээр хүргэх хуулийн хэрэгжилтийн явц, тулгамдаж буй асуудал, шийдвэрлэх гарц, холбогдох журмыг боловсронгуй болгох санал, хүсэлтийг сонссон юм.