Шүүхийн Ёс зүйн хорооны гишүүнд нэр дэвшүүллээ

2016 оны 06 сарын 06 1503

   Улсын Дээд шүүхийн шүүгчдийн зөвлөгөөн 2016 оны 6 дугаар сарын 6-ны өдөр болж, Шүүхийн Ёс зүйн хорооны гишүүний бүрэн эрх хуульд заасны дагуу дуусгавар болсонтой холбогдуулан Монгол Улсын Шүүхийн тухай хуулийн 25 дугаар зүйлийн 25.2.7, 25.5-д зааснаар Шүүхийн Ёс зүйн хорооны гишүүнд нэр дэвшүүлэх тухай асуудлыг хэлэлцлээ.

   Хуралдаанаас нийт шүүгчдийн олонхийн санал авсан Норлоогийн Эрдэнэцогтыг Шүүхийн Ёс зүйн хорооны гишүүнд улируулан нэр дэвшүүлж, санал болгохоор шийдвэрлэв. Н.Эрдэнэцогт нь улсад 24 жил, үүнээс шүүх, хуулийн байгууллагад 19 жил ажилласан, нэр хүндтэй, гадаад хэлний өндөр мэдлэгтэй хуульч юм.